Editorial Foeminas

 

O número 4 de Foeminas está dedicado ao problema da muller e a súa relación coa liberdade en tódalas súas variantes: expresivas, creativas, políticas, sexuais. Novamente, volvémonos a atopar cun tema que atravesa toda a historia e todas as loitas pola emancipación de xénero.

Por iso, en Historia de mulleres pode percorrerse a vida e a obra dunha muller que introduciu grandes cambios teóricos no mundo, especialmente o da política. Aínda que é certo que estes cambios non están directamente ligados á cuestión do xénero ou do feminismo tamén o é que realizan un aporte singular e diverso ao do pensamento masculino.

Historia de mulleres rende homenaxe a Rosa Luxemburgo quen foi brutalmente asasinada por expresa-las súas verdades un 15 de xaneiro de 1919 á idade de 49 anos.

Quizais, esta historia sexa esquecida ou sutilmente borrada do seo da historia con maiúsculas, antepoñense nas enciclopedias ou nas crónicas de época, unha infinita lista de homes "heroicos", dende Foeminas insistimos en que sempre é bo recordar e revisar, xa que a narrativa feminina reconstrúese unindo anacos e restituíndo voces e sons do pasado.

Razón pola cal, presentamos en Mullerciclopedia unha reseña do excelente libro Mulleres na arte, Espello e realidade da historiadora e crítica Amparo Serrano de Haro.

A Galería de Arte ofrecerá a obra dunha gran fotógrafa que por estes días está exposta nunha mostra en Caixa Galicia de Lugo.

En Contemporane@ dedicaremos o espazo á obra literaria dunha aguerrida artista e loitadora: a profesora Carmen Blanco.

En Mullerecetario por primeira vez obteremos unha importante receita da nosa grande amiga e colaboradora: a entrañable Dona. Cociña

Viaxeiras desprázase á antiga Roma da man de Emma Lareu.

En Portada, tamén unha entrevista que acompaña as imaxes da mostra "Lilith(s)" de Luís Valle Regueiro un artista e colaborador de Foeminas notablemente interesado no problema de xénero.

Ademais, un informe achega dun caso de discriminación e violencia en Perú durante o goberno de Fujimori.

Micaela Fernández Darriba
Editorial Foeminas
Febreiro 2006