Paula Rego: un mundo imaxinario e real
Paula Rego naceu en Lisboa en 1935. É unha gran pintora e fundamentalmente unha excelente ilustradora. Na actualidade está radicada en Londres, cidade á que se trasladou xunto ao seu marido.
Comezou a darse a coñecer nos anos sesenta pero o prestixio internacional chegoulle a partir de 1990, cando pasou a ser artista asociada á National Gallery de Londres.
Recibiu importantes recoñecementos: En 1989 entrou na lista de candidatos ao premio Turner e en 2005 concedéuselle o grado de doutor honoris causa pola Universidade de Oxford. A obra de Paula Rego está presente nas coleccións como as do Museo Británico, o Metropolitan Museum of Art, o Museu Serralves, a National Gallery ou a Tate Gallery.
O traballo desta artista é absolutamente descritivo, e responde, segundo pódese deducir por certas declaracións da artista, a unha elaboración introspectiva dos primeiros anos da súa infancia na que viviu baixo o réxime da ditadura de Salazar. A pintora utiliza diferentes estilos para contar as súas historias, sempre narradas desde a figuración, aínda que as veces de corte máis surrealista e outras máis expresionistas.
Cos seus traballos Paula Rego non deixa de falar da opresión e da subordinación que produce o medo. Dado que é artista e le imaxes, a súa inspiración máis importante está relacionada coa influencia da igrexa católica portuguesa e da súa iconografía. Unha iconografía atemorizante, cargada de sufrimento, de sangue, de martirios. Rego sostivo que esas imaxes que atesouraban a promesa dun castigo eterno foron xunto á ditadura e a súa relación de suxeición cara ás mulleres o impulso das súas obras tenebristas. Logo dese período de notable escuridade comeza a soltarse e a pintar mulleres con enormes saias que cubrían todo os seus corpos e onde se pode adiviñar outra historia colmada de segredos e de imaxinación.
O seu compromiso político e social
Ademais, do seu apaixonante relato plasmado nas súas obras, do que significou para mulleres, homes, nenas e nenos, pero principalmente para o xénero feminino vivir baixo un réxime autoritario, Rego tamén se ocupa da dominación e da violencia que aínda na actualidade continúan padecendo as mulleres. Un exemplo disto é a súa serie onde suscita o tema do aborto en 1998 e a serie de 1990 denominada “Dog Woman” un traballo que mostra ás mulleres representando distintas pouses caninas.
Como forma de identificación e de admiración, Paula Rego realizou un retrato a escritora feminista australiana Germaine Greer, que se conserva na National Gallery de Londres.
"Dog Woman"
"The Dance"
"The Family"
"Polly Put The Ketlle On"
Micaela Fernández Darriba