MullerRecetario
MullerRecetario é unha sección
dedicada a intercambiar e difundir receitas que poden ser de todo tipo.
En varias ocasións publicamos receitas de cociña de grandes
mestras culinarias coas que gozamos o pracer de cociñar e de
comer. Pasaron por esta sección Gema,
Naima e Dona
Cociña.
Nesta oportunidade Foeminas desexa
ofrecerlle ás súas lectoras e lectores unha receita dunha
gran muller e unha destacada artista. Este é o noso xeito de
honrar a súa memoria e de incentivar a nosa imaxinación.
Por iso, esta receita que se publicará en tres entregas servirá
máis para alimentar o noso espírito que o noso corpo.
Agardamos que este sexa o comezo de moitas máis receitas deste
tipo e convidamos a seguir participando a todas e a todos deste novo
desafío.
Foeminas
Terceira entrega de…
Receita para provocar
soños eróticos
Remedios Varo:
(1908-1963) naceu en Anglés, provincia de Girona
e foi unha das artistas máis destacadas do seu tempo. Por razóns
políticas tivo que exiliarse en México onde residiu
ata a súa morte. Na Galería de
Arte pertencente ao número 7 de Foeminas
está exposta a súa obra e unha pequena biografía.
Esta receita foi extraída de Consellos e receitas.
Museo biblioteca Pape. México.1985.
Ingredientes:
Un quilo de raíz forte
Tres galiñas brancas
Unha cabeza de allos
Catro quilos de mel
Un espello
Dous fígados de tenreira
Un ladrillo
Dúas pinzas da roupa
Un xustillo con baleas
Dous bigotes postizos
Sombreiros ao gusto
Regrese con ela apresuradamente ante o espello, sorría, beba, un sorbo do caldo, próbese un bigote, beba outro sorbo, próbese un sombreiro, beba, próbese todo, tome sorbiños entre proba e proba e fágao todo tan velozmente como sexa capaz.
Xa inxerido o caldo, corra á cama, déitese
entre as sabas preparadas, tome rapidamente as pinzas para roupa introduza
en cada unha delas o dedo pulgar do pé.
Estas pinzas deben conservarse toda a noite e colocarse nun ángulo
de 45º en relación co dedo oprimindo firmemente a unlla.
Esta sinxela receita dá sempre bos resultados e as persoas normais poden ir placenteiramente do bico ao estrangulamento, da violación ao incesto, etc., etc.
As receitas para casos máis complicados
como son os da necrofilia, autofaxia, tauromaquia, alpinismo e outros,
atópanse nun volume especial da nosa colección "Consellos
discretamente sans".
Envíanos as túas
receitas a:
mujerecetario@foeminas.lugo.es