Presentación da Concelleira Carmen Basadre no aniversario de Foeminas.

Hai un ano desde que a revista Foeminas abriu as súas portas virtuais a mulleres de todo o mundo a través de Internet, ese magnífico vehículo de unión transnacional.

Foi este un ano cheo de merecido recoñecemento ao traballo de moitas mulleres en distintos ámbitos culturais e sociais que deixaron a súa impronta durante anos en distintos ámbitos.

Pero o importante é o fondo e obxectivo desta revista: escoitar as voces das mulleres e crear unha publicación de xénero, que loitase por conseguir de forma efectiva que estas ocupen o lugar que lles corresponde na sociedade.

A transcendencia desta publicación virtual deixouse sentir xa no número de visitantes, nas distincións recibidas e na presenza en diferentes foros internacionais.

Sempre queda moito por facer pero hai que pensar en todos os pasos que se están dando desde os distintos ámbitos, pasos que é necesario que se coñezan e que en Foeminas teñen o seu rampla de promoción.

Debemos seguir afianzando un futuro onde a posibilidade de elixir sexa a mesma para os homes e para as mulleres. Son a educación e a cultura fundamentais á hora de construír un mundo no que ninguén se considere mero visitante.

Estou convencida de que se algo temos claro as mulleres é que para avanzar no noso camiño de igualdade necesitamos construír pontes, tecer redes a través das cales se transmita o que vivimos e como o vivimos en calquera parte do mundo. A maioría das mulleres que participan en Foeminas fano e vano a facer coa súa arte.

Carmen Basadre Vázquez
Concelleira de Muller e Servizos Sociais