Foeminas panorámica
Foeminas panorámica intenta amosar unha mirada ampla sobre todos os problemas que afectan ás mulleres no mundo. Tamén é un espazo para recibir convocatorias a concursos, accións globais ou encontros.
Formación en violencia de xénero da Secretaría Xeral da Igualdade:
IgualdadeFORMA ESPAZO DE TELEFORMACIÓN ofrece unha formación en liña sobre violencia de xénero, con especial incidencia na igualdade de oportunidades entre mulleres e homes; cunha metodoloxía áxil e flexible dirixida a todas as persoas interesadas, con diferentes niveis de formación e/ou coñecemento, incidindo na rede de profesionais que traballan en violencia de xénero en Galicia.
Os obxectivos que persegue a Secretaría Xeral da Igualdade, coa posta en marcha de Igualdade FORMA ESPAZO DE TELEFORMACIÓN son os seguintes:
- Sensibilizar os homes e mulleres galegas no valor da igualdade como eixo fundamental para o desenvolvemento social.
- Fomentar a igualdade de trato e de recoñecemento entre mulleres e homes.
- Dotar de coñecementos básicos en materia de violencia de xénero á poboación en xeral.
- Promover a consideración da violencia machista como un problema social e político, de todas e de todos.
- Formar en violencia de xénero a profesionais e/ou futuros/as profesionais de ámbitos relacionados, directa ou indirectamente, con esta materia.
- Fomentar a reflexión sobre as causas e formas da violencia de xénero, dar a coñecer as súas consecuencias, a situación actual, a lexislación e medios para a súa erradicación.
- Mellorar o desenvolvemento profesional en relación coa prevención da violencia machista e a atención das vítimas.
Máis información: http://www.igualdadeforma.org/alumno/default.htm
Cursos de Verán da Universidade de Santiago de Compostela:
As mulleres do mar
Mª do Carme García Negro
De 8 a 11 de xullo
Moaña
34 h (Curso)
O obxectivo primordial deste curso é profundizar nas características do papel da muller no sector pesqueiro desde a perspectiva de xénero. Est udar os seus problemas, os obstáculos que impiden o seu progreso, mellorar as estruturas das que dispoñen, buscar novas iniciativas e as accións necesarias para lograr un maior recoñecemento, tanto a nivel xurídico como social, que se respalden os seus esforzos para garantir os seus dereitos sociais e económicos tales como a igualdade salarial, os subsidios por desemprego, as enfermidades profesionais, a conciliación entre a vida profesional e a familiar, e a protección da seguridade e da saúde no traballo, co recoñecemento de enfermidades profesionais. Estudar e debater as medidas necesarias para eliminar as barreiras administrativas e sociais que impiden a plena participación e o avance das mulleres no sector pesqueiro, en todas as súas áreas, fixándonos especialmente no empoderamento e fomento do espíritu empresarial.
Muller, igualdade e dereito; unha lacra máis: a violencia de xénero
Raquel Castillejo Manzanares
De 16 a 18 de xullo
Santiago de Compostela
30 h (Curso)
Tratarase neste curso de achegarlle aos profesionais do Dereito, especialmente ao colectivo de mulleres xuristas, aos estudantes de Dereito, e como non a todos os colectivos de persoas afectadas polas materias reseñadas, o tratamento dos problemas, as ameazas e as desigualdades ás que teñen que facer fronte as mulleres na sociedade actual. A visión que se trata de ofrecer é crítica desde unha perspectiva de xénero, cun espazo de debate e reflexión entre os participantes, especialistas e interesados; ofrecer respostas, aclarar dúbidas, suxerir solucións e pautas de comportamento aos profesionais en especial do Dereito, así como doutras ramas, que interveñen nos conflitos familiares ou teñen algunha responsabilidade en relación con eles. Á vista de todo isto, este seminario pretende ser un escenario no que se escenifique cal foi o impacto da mobilización das mulleres, as políticas publicas que tiveron, e o que queda por facer.
II Congreso sobre violencia doméstica desde a perspectiva educativa.12 e 13 de xuño de 2008 en Villajoyosa. Alacante.
A participación será aberta, vai dirixido principalmente aos colectivos vinculados, esto é: Letrados, principalmente do turno especializado, membros das Forzas e Corpos de Seguridade, estudantes, e persoal da rama sanitaria, social e educativa.
Data máxima de inscrición: 09 de xuño de 2008
Cursos de verán de xénero e desigualdade en televisión: as series de ficción en televisión. Análise da súa proposta de comunicación e tratamento da figura das mulleres.
Sede Universitaria de Villena. Alacante.
Descrición do curso:
A imaxe das mulleres confórmase como unha icona tratada con lixereza e falta de responsabilidade. Preténdese crear unha mirada reflexiva sobre o acertado e o inadecuado deses tratamentos que ademais se esconden sempre baixo unha coartada estilística (humor, terror…). Coa educación para a decodificación da linguaxe audiovisual conseguimos que apareza a mirada crítica e a capacidade para comparar as propostas que ofrecen as series de produción nacional coas de produción estranxeira.
14/07/2008 ao
18/07/2008
Cursos de verán de relacións de xénero e desenvolvemento. Escola de Relacións Internacionais e Cooperación. Universidade Complutense.
Obxectivos
� Analizar e estudar non só a situación das mulleres no mundo, senón as relacións de xénero nos procesos de desenvolvemento, para avanzar na dirección e as formulacións iniciadas polos actores da cooperación internacional.
• Dotar ao alumnado das bases para desenvolver e aplicar ferramentas e metodoloxías necesarias para a integración do enfoque de xénero no desenvolvemento, de maneira que asegure unha maior eficacia e equidade das súas situacións.
• Fomentar o debate, análise e novas contribucións ao enfoque de xénero, como forma de seguir avanzando pola igualdade de oportunidades.
03/07/2008 ao 31/07/2008
Movida(s) mulleres: Música e transgresión na Transición española. Campus da Universidade de Alacante
A participación das mulleres na música durante a Transición Española reflexa os contrastes, aspiracións e novas realidades que provocou o cambio político. Cantantes solistas, grupos musicais compostos por mulleres, instrumentistas e compositoras legaron un patrimonio que será analizado baixo o enfoque de xénero.
Este é o propósito do curso, analizar a música do periodo a través das mulleres que participaron nela, dar visibilidad á obra, e polo tanto xerar lecturas contrastantes da época que acheguen unha nova narración historiográfica musical.
21/07/2008 al 25/07/2008.
A muller periodista e os problemas de xénero. 30 de xuño ao 4 de xullo. Universidade Complutense.
Cada vez hai máis mulleres na profesión xornalística e moi pronto serán maioría, se é que non o son xa. Así o auguran as matriculacións nas facultades de xornalismo, o crecemento imparable de mulleres xornalistas nas asociacións de prensa e a simple visión das redaccións dos xornais e demais medios. Con todo, o panorama profesional xornalístico apenas cambiou en dúas cousas fundamentais: os cargos directivos seguen sendo ocupados maioritariamente por varóns e as desigualdades de todo tipo, ás veces vergoñentas, en prexuízo das mulleres.
Convocatoria: Xénero e educación. Revista Mexicana de Investigación educativa
Tema: Xénero en educación
Data límite para o envío de textos: 2 de febreiro de 2009
A publicación pretende conxugar reflexión, crítica e diálogo nacional e latinoamericano.
Temas de interese específico:
• As teorías de xénero e a educación: un campo de estudo en construción
• Políticas en materia de xénero e educación: incidencia nas prácticas escolares
• Escolarización; os vínculos entre clase social, xénero, etnia e raza
• Tipificación sexual por áreas de coñecemento (ciencia, matemáticas e tecnoloxía).
• Masculinidades e escola
• Formación docente en estudos de xénero
• Feminización docente
• Xénero no ensino e a aprendizaxe
• Violencia de xénero na escola
Acéptanse só traballos inéditos. Cada artigo será ditaminado en dúas etapas, primeiro polo Comité Editorial, despois por especialistas externos. É importante tomar en conta o Protocolo para colaboradores
(Versión impresa ou en http://www.comie.org.mx/RMIE/ ).
rosamaria@laneta.apc.org
“II Seminario Internacional: Cidades seguras para as mulleres, cidades seguras para tod@s”
UNIFEM abriu unha convocatoria para presentar artigos, produtos de investigacións, análises, debates teóricos e estudos de casos latinoamericanos sobre os asuntos que se discutirán durante o seminario “Cidades sen violencia cara as mulleres, cidades seguras para tod@s: América Latina e Caribe”.
Poderanse presentar documentos para poder concursar desde o 25 de marzo ata o 15 de xuño 2008. O II Seminario Internacional é convocado por UNIFEM-Brasilia, a Agencia Española de Cooperación Internacional para el Desarrollo (AECID), a Red Mujer y Hábitat para América Latina e as organizacións que conforman o Programa Rexional de UNIFEM. O Seminario levarase a cabo do 21 ao 23 de xullo de 2008, en Río de Xaneiro, Brasil.
INFORMACIÓNS
As bases do concurso e ficha de inscrición estarán dispoñibles, para a súa consulta e difusión pública, nos sitios web das institucións que o convocan:
• UNIFEM Brasilia, http://www.unifem.org.br
• Red Mujer y Hábitat para América Latina, http://www.redmujer.org.ar
Para máis información ou consultas, escribir a
cidadesseguras@gmail.com
XII Certamen de Narrativa Premio "María de Maeztu"
A Asamblea de Mulleres de Estella-Lizarra (Navarra) convoca o XII Certame de Narrativa Premio "María de Maeztu". Poderán participar todas as mulleres maiores de 16 anos, de calquera nacionalidade ou residencia. Este premio ten dúas modalidades, en lingua castelá e en lingua vasca. O prazo de admisión das obras finalizará o día 31 de xullo de 2008