Esta edición de Foeminas vén ben para lembrar que continuamos afondando no debate sobre os problemas de xénero. Conflitos que ás veces están tapados debaixo das sabas e outras veces simplemente quérense ocultar.

Por esta razón, presentamos en Portada a nosa reflexión habitual que vira en torno a este tema do descoñecemento ou oucultamento sobre a verdadeira problemática que alude aos xéneros na nosa sociedade. Esta reflexión denomínase "Sempre hai algo máis que simple vista no se ve" e esperamos que poida contribuír en algo a tomar conciencia e recapacitar sobre o que aparentemente é dun xeito e resulta ser doutro aínda máis complexo. Sobre este tema presentamos tamén en portada a análise "Como definir discursivamente a violencia de xénero".

En Contemporáne@ presentámosvos a interesante obra da poeta lucense Lupe Bao.

Por outra banda, publicamos o artigo "Unha muller, un voto" (un estudo comparativo sobre o sufraxismo entre o Estado Español e Arxentina). Mentres que en Mullerciclopedia reseñamos o libro Señoras sen fronteiras. As mulleres e a aventura, na Galería de Arte expoñemos parte da obra e da vida de María Blanchard.

Para rematar, en Historia de Mulleres propoñemos un percorrido por todo o legado de Flora Tristán.

Tamén están presentes na revista as seccións Mullercetario, Viaxeiras, Foeminas panorámica e Noticias.

Editorial Foeminas